Translate

Holy Kaaba

Makkah Al Mukarramah

Jali Mubarak

Blessed Jali Mubarak Of Rawdah E Rasool Sallallahu alaihe wasallam, Madinah Al Munawwarah

Ghumbad E Khazra

The Blessed Green Dome, Madinah Al Munawwarah

Blessed Grave Of Ghous E Azam Radiallahu anh

Baghdad Shareef, Iraq

Khwaja Ghareeb Nawaz

Shahenshah E Hind, Khwaja Ghareeb Nawaz, Ajmer Shareef, India

Sunday, 11 November 2012

Hadith ki qism (Usool e Hadith) - Roman English


Sahi hadees kya hai hasan hadith kya hai zaeef hadith kise kehte hai ?


"JAEF HADITH KYA HAI"
Hadith ki qism


AHAADEES ki IQSAAM:

QAYEDAH # 1: 
Asnaad k Lihaaz se Hadees ki Bohat Qismen hain, magar hum sirf 3 ka Zikar karte hain..
1) Hadees Sahi
2) Hadees Hasan
3) Hadees Zaeef

1) Sahi : 
Sahi woh Hadees hai, jis main yeh 4 Khoobiyaan hon..
* Us ki Asnaad Mutassal ho k HUZOOR (ALEH SALAAM) se Le kar Mo'allif kitaab tak koi Raawi na choota ho..
* Us k saaray Raawi Awwal Darjay k Muttaki Parhezgaar hon, koi Faasik Ya Mastoor Ul Haaq na ho..
* Tamaam Raawi nihaayat Qawi Ul Haafiza hon, k kisi
ka bhi Haafiza Beemari ya Burhaapay ki wajah se Kamzor na ho..
* Woh Hadees Shaaz yaani Mashhoora k khilaaf na ho..

2) Hasan: 
Hasan Woh Hadees hai, jis k Raawi main yeh Tamaam Siffaat to hon, par itni Aala Darjay ki na hon,Yaani kisi ka Taqwa itna Aala Darjay ka na ho..

3) Zaeef: 
Zaeef woh Hadees jis ka koi Raawi...

 Muttaki Parhezgaar ya Qawi Ul Hafiza na ho, Yaani jo Siffaat Hadees Sahi main Mauttabar main thin, un main se koiek Sifat na ho..

QAYEDAH # 2: 
Pehli 2 Qismen Yaani Sahi aur Hasan, Aehkaam aur
Fazael dono main Mauttabar hain, Lekin Hadees Zaeef sirf Fazael main Mauttabar hai, Aehkaam main Mauttabar nahin,
Yaani is se Haraam O Halaal Saabit nahin honge, Haan Aamal ya kisi Shakhs ki Azmat O Fazilat zarur Saabithogi..
Nateejah (Result):
Zaeef Hadees Jhooti ya Galat ya Garhi huwi Hadees ko nahin kehte, jese k Ger Muqqallidon (Wahabiyon) ne Awaam ko Zehen Nasheen kara diya hai, k Logon ne is Kha jane waala Hawwa samajh rakha hai, Balkay Muhaddiseen ne Mehez Ehtiyaat ki bina par is
Hadees ka Darjah Pehli 2 se kuch kam rakha hai..

QAYEDAH # 3: 
Agar Zaeef HADEES kisi wajah se Hasan ban jaaway to woh bhi Matlaqan Mauttabar hai, is se Ehkaam O Fazael sab kuch saabit ho sakte hain..

QAYEDAH # 4: 
Hasb-E-Zel cheezon Hadees Zaeef Hasan ban sakti hai..

* Do ya Ziyadah San'adon se Riwaayat hojaana..
* Yaani agar ek Zaeef Hadees chand Zaeef Riwaayaton se Marwi hojaway to ab woh Zaeef na rahi, balkay Hasan ban gai..
(Mirkaat - Zomoo'aat Kabeer - Shaami - Muqadma-E-Mishk aat Shareef - Molana Abdul Haq - Risaala Usool
E Hadees Awwal Tarmizi Shareef Wagera)
Ulama E Kaamileen k Amal se Zaeef Hadees, Hasan ban jaati hai, Yaani Agar Zaeef hadees par Ulama E Deen Amal Shoru kar den, to woh Zaeef na rahe gi Hasan hojaaway gi,
isi liye Imaam Tarmizi farmate hain..

Tarjuma: "Yeh Hadees hai to Gareeb ya Zaeef, MAgarAhl-E-Ilm ka is par Amal raha hai"..
Tarmizi k is Qol ka matlab yeh nahin k yeh Hadees hai to Zaeef Na Qaabil-E-Amal, Magar Ulama Ummat ne Bewakufi se Amal Kar liya aur Sab Gumrah hogae...
Balkay matlab yeh hai k HADEES Riwaayaton k lihaaz se Zaeef thi, magar Ulama E Ummat k Amal se Qawi hogai..
Ulama k Tajurbay aur Oliya k Kashaf se Zaeef HadeesQawi hojaati hai,

SHEIKH MOHIYUDDEEN Bin Arbi ne ek Hadees suni thi k jo 70 hazaar martaba kalma Tayyabah parhe, us ki MAgfirat hojaati hai, ek Dafa ek Nojawaan ne kahak main apni Mari huwi Maa ko Dosakh main Dekhta hun, SHEIKH ne 70 hazaar baar kalma parha huwa tha,apne Dil main uski MAa ko bakhash diya, Dekha k
k Jawaan hans para, aur Bola k Main Apni maa ko Jannat main dekhta hun, SHEIKH farmate hain k main ne is Hadees ki sehat isWali k Kashaf se Maaloom ki.
( Sahi Ul Bukhari), (Mirkaat Jild#3, Page#222, Matboo'a Maktaba Habeebiya Quetta) 

Tehzeer Un Naas main Molvi Muhammad Qasim ne bhi yeh Waqiya HAZRAT JUNAID (Rehmatullah) ka Naqal farmaya..

QAYEDAH # 5: 
Asnaad k Za'af se Matan Hadees ka Za'af Laazmi nahin, Lihaaza yeh hosakta hai k ek Hadeees ek Asnaad main Zaeef ho, Dusri Asnaad main Hasan, aur Teesri main Sahi ho,
Is liye IMaam Tarmizi ek Hadees k Muta'allik farmate hain :
Tarjuma: " Yeh Hadees Hasan bhi hai, Sahi bhi hai, aur Gareeb bhi"..
(Sunan Tarmizi, Jild#3, Page#117, Raqam Ul Hadees#741, Matboo'a Daar Ul Haya, At Turaas Ul Arbi, Beroot) 

Tarmizi k is Qol ka matlab yeh hi hota hai k yeh chand Hadees chand San'adon se Marwi hai, Ek se Hasan, dusrise Sahi, aur teesri se Gareeb..

QAYEDAH # 6: 
Baad ka Za'af ,Aglay Muhaddis ya Mujtahid k liye Muzar nahin, Lihaaza agar ekHadees Imaam Bukhari ya Imaam Tarmizi ko Zaeef ho kar mili ho, Q k us main ek Raawi Zaeef Shaamil Hogaya to ho sakta hai k woh hi Hadees Imaam Abu Haneefa ko Sahi Asnaad se ho kar miliho, Aap ki San'ad main woh Zaeef Raawi us main Shaamil na huwa ho, Lihaaza kisi Wahaabi ko yeh Saabit karnaAasaan nahin k yeh Hadees Imaam Abu Haneefa ko Zaeef ho kar mili..
Lateefa:
Ek Dafa ek Wahabi (Ger Muqqallid) se Qirat Khalful Imaam par hamari Guftugu huwi, hum ne yeh Hadees Pesh ki:
Tarjuma: " Imaam ki Qir'at Muqtadi ki Qir'at hai"..
(Sharah Mu'aani Ul Aasaar, Jild#1, PAge#217, Matboo'a Daar Ul Ilmiya, Beroot) 

Wahabi jee Bolay k yeh Hadees Zaeef hai, is ki Asnaad main Jaabir Jahanni hai, hum ne Pucha k Jaabir Jahanni kab peda huwa, jis kiwajah se yeh Hadees Zaeef hai.. Becharay tarap k bolay 335 Hijri main.. Hum ne kaha jab Imaam Abu Haneefa ne is Hadees se Istadlaal farmaya tha, tab JAabir apne Baap ki Pusht main bhi na aae the, Q k Imaam Abu Haneefa ki Wilaadat 80 Hijri main hai, aur Wafaat 150 Hijri main, Lihaaza us Waqt yeh Hadees bilkul sahi thi, Baad k Muhaddiseen ko Zaeef ho karmili, Wahabi Sahab se is ka Jawaab na ban para, aur Bager jawaab diye hi Fot hogae..

Lihaaza Hanfiyon ko Khayaal rakhna chahiye, k Wahabi koZaeef Zaeef kehne se roken,Wajah Zaeef puchen phir Tehqeeq karen k Za'af ImaamAbu Haneefa se pehle ka hai ya Baad ka..
InshaALLAH Wahabi jee Paani maang jaen ge, Aur Zaeef Zaeef ka Sabaq bhool jaen ge, Q k Imaam Abu Haneefa ka Zamana HUZOOR (ALEH SALAAM) k Zamaane se Bohat Qareeb hai, us Waqt Hadeesen Bohat Kam Zaeef Thin, Imaam Abu Haneefa Taa'bai hain.





QAYEDAH # 7: 
Jarah Mubhim kaabil E Quboolnahin,
Yaani Kisi Naaqid Hadees Khususan Ibn-E-Joozi wagera k Baaaray mainyeh Kehna k Falaan Hadees ya Raawi Zaeef hai, Ger Muat'tabar hai, jab tak yeh na bate k Q Zaeef hai, aur is k Raawi main kya Za'aaf hai, Q k Wajah E Zaeef main Aaemah ka ikhtalaaf raha hai,ek Cheez ko Ba'az Aeb samajhte hain, Ba'az nahin, Dekho Tadlees, Irsaal, Ghoray Doraana, Mazaaq, NoUmri, Fiqah main Mashgooliyatko Ba'az logon ne Raawi ka Aeb jaana, aur Kaafiyon ne Aeb na jaana.
(Noor Ul Anwaar, Behes TaanAli Ul Hadees)
Lihaaza ab agar koi bhi Wahabi Kisi bhi Hadees ko Bila Wajah Zaeef kahe (Jesayin ki Aadat hai) to us se zarur Puchen, K Zaeef ki Wajah kiya hai.. Bechara apna hi sir Patkhay ga, Q k Jhoot in ki Fitrat hai aur yeh Har us Hadees ko Khamakha Zaeef kehte hain, jis se in koKhatra ho...

QAYEDAH # 8: 
Agar Jarah o Ta'adeel main Ta'arruz ho, to Ta'adeel Qubool hai na k Jarah, Yaani Ek Raawi ko Muhaddis ne Zaeef kaha, par kisi aur Muhaddis ne Qawi farmaya, Ba'az Tawaareekh se is ka Fasq saabit huwa, Ba'az ne farmaya k woh Muttaki Saleh tha, to use Muttaki Mana jaway ga, q k Momin main Takwa Asal hai, Lihaaza us kiRiwaayaat Zaeef na hongi..

QAYEDAH # 9: 
kisi Hadees k Sahi na hone se us ka Zaeef hona Laazmi nahin, Lihaaza agar koi Muhaddis kisi Hadees k Muta'alliq yeh farma den k Yeh Hadees SAHI nahin hai, isk Ma'aenay yeh nahin k Yeh Hadees Zaeef hogai, hosaktahai k Hasan ho, Sahi O Zaeef k darmiyan bohat Darjay hain..

QAYEDAH # 10: 
Sahi Hadees ka Daar O Madaar, Muslim, Bukhari ya Sah Satah par nahin, in ko Sahi kehne ka Matlab yeh nahin k in ki Tamaam Ahadees Sahi hain, Balkay is ka MAtlab yeh hai k In main Ziyaadah tar Ahaadees Sahi hain, par dusri Kitaabon ki Ahaadees bhi Sahi hain, un sab ko Zaeef Bila Tehqeeq keh dena Sakht Zulum hai..
Hamara Eemaan HUZOOR (ALEH SALAAM) par hai na k Mehez Bukhari O Muslim wagera par, HUZOOR (ALEH SALAAM) ki Hadees jahaan semile hamaray sir Aankhon parhai, Bukhaari main hon na hon,,
Ta'ajjub hai k Ger Muqqallideen Wahabi par k woh Imaam Abu Haneefa ki Taqleed ko Shirk O Biddat qaraar dete hain, magar Muslim O Bukhari par aesa Eemaan rakhte hain aur in ki aesi Taqleed karte hain k Khuda ki Panah..

QAYEDAH # 11: 
Kis Aalim E Fiqah kisi Hadees ko Bager Aitraaz k Qubool karlen, to woh is Hadees k Qawi hone ki Daleel hogi, agar koi Aalim Mujtahid ZaeefHadees ko Qubool farmae to is se woh Zaeef hadees Qawihojaway gi..
Aur jab Imaam Abu Haneefa ne jin Ahaadees se Istadlaal kiya to un main koi bhi Zaeef nahin ho sakti, un par Ummat ka amal hai, Un ko Ulama O Fiqah ne Qubool farma liya hai, Un main se har Hadees bohat si Asnaadon se Marwi hai, aur Asnaadon ki Kasrat se Hadees Qawi hojaati hai aur Hasan ban jaati hai, Q k itni Asnaadon main usi Waqatlikhi jaegi, jab us ki koi Haqqeeqat hogi..
Lihaaza yeh Faqeer Haqeer InshaALLAH har Mas'alay par itni Ahadeesen Pesh kare ga,jin se koi Hadees Zaeef na kahi jaa sake gi..

QAYEDAH # 12: 
Agar Hadees O Qura'an main Ta'arruz aae to Hadees k Ma'aenay aese karne chahiyejis se dono main Muwaafiqat hojaway, aur Ta'arruz jata rahe, Aese hi agar HadeesenAapas main Mukhaalif Maaloom hon, to un k Aese Ma'aenay karne Laazim hain k Mukhaalif na rahen, aur Sab par Amal hojaaway,
Is ki 2 Misaalen bhi sun len
1)
RAB TA'ALA Farmata hai:
Tarjuma: " Jis Qadar Qura'anMajeed Aasaan ho Namaz main Parh lo"..
(Surah Muzammil, Aayat#20) 

Lekin Hadees Shareef main hai:
Tarjuma: " Jo Surah Fatiha na Parhe us ki Namaz nahin hoti"..
(Sahi Ul Bukhari, JILD#1, PAGE#263, Raqqam Ul Hadees#723, Matboo'a Daar Ibn-E-Kaseer, Beroot) 
Yeh Hadees is Aayat k Mukhalif maaloom hoti hai, Lihaaza Hadees k Ma'aenay yeh karo k Surah Fatiha k Bager Namaz Kaamil nahin hoti, Mutlaq'qan Qirat Namaz main faraz hai, aur Surah Fatiha Parhna Waaajib, Ta'arruz uth gaya, aur qura'an O Hadees dono par Amal bhi hogaya..

2)
RAB TA'ALA Farmata hai:
Tarjuma: " Jab Qura'an Parhajaaway to use Kaan laga kar suno aur Chup raho"..
(Surah Al Aaraaf, Aayat # 204) 
Lekin Hadees Shareeef main hai:
Tarjuma: " Jo Surah Fatiha na parhe us ki namaz nahin hoti"..
(Sahi Ul Bukhari, JILD#1, PAGE#263, RaqamUl Hadees#723, MAtboo'a Daar Ibn-E-Kaseer, Beroot) 

Yeh Hadees is aayat k Khilaaf Maaloom hoti hai, Qura'an Mutallaq'qan Khaamoshi ka Hukum deta haiaur Hadees Shareef Muqtadi ko Surah fatiha parhne ka Hukum deti hai, Lihaaza yeh maano k Qura'an ka Hukum Mutal'laq hai, aur Hadees Shareef ka Hukum Akele Namaz ya Imaam k liye hai, Muqtadi k liye Imaam ka Parhlena Kaafi hai, K yeh us ki Hukmi Qir'at hai..
Garz k yeh QAYEDAH nihaayat Ehem hai, aur agar koi Hadees, Aayat-E-Qura'an i k ya apne se Upar waali Hadees k aesay Mukhaalif mile k kis Tarah Mutaabiqat ho hi na sake, to phir Qura'an-E-Hakee m ya phir isse Upar waali Hadees ko Tarjeeh hogi, aur yeh Hadees Qaabil-E-Amal na hogi, yeh Hadees Mansookh hojaaway gi, ya HUZOOR ki Khusoosiyat main se Shumaarhogi, is ki bhat Misaalen hain..

QAYEDAH # 13: 
Hadees ka Zaeef hojaana GerMuqallidon k liye Qayaamat hai, q k un k Mazhab ka DaarO Madaar in Riwaayaton par hi hai, Riwaayat Zaeef huwi toin ka Mas'ala bhi fana hogaya, Magar Hanfiyon k Liye kuch Muzar nahin, Q k Hanfiyon k Dalael yeh nahin, in ki DaleelQol-E-Imaam hai, aur Imaam kQol ki Taa'eed yeh Riwaayaten hai, aur Imaam ki har Daleel Qura'an O Hadees se Tasdeek shuda hain..
Acha ab jesa k Imaam Abu Haneefa ka Dor Bukhaari se pehle ka hai, to aksar Ahadees Imaam Abu Haneefahko Sahi milin, aur un ki Asnaaden yeh na thin jo Bukhari aur Muslim ki hain.. Lihaaza Tabhi kehte hain k Taqleed karo, Q k Taqleed ALLAH ki Rehmat hai, Aur Ger Muqqallid RAB ka Azaab..
Aagay Aap khud Faisla Karen.. JazakALLAH



Thursday, 1 November 2012

Nabi ko Apne Jaisa Bashar Samaj ne walo ko Jawab - Roman English

kya nabi hum jaise insan hai ?

kya Muhammad Sallallahu alyhi wa sallam hum jaise bashar hai ?

= Refutation and Answer =

Kuch Be Adab Bad Naseeb Ghutakhan Rasool Kehte hain k Huzor Alaihe Salatu Wasallam Hum Jaise Aam Admi Hain Maaz ALLAH vo ALLAh k Mehboob Ko Apne Jaisa bashar keh k na Sirh Unki Toheen karte hain balke Unki Karamaat ko b mamoli Qarar De jate hain Quran Aur Hadees Ki Roshni mai Apna Aqeeda Sahi Karaen

Quran Ki jis ayat ka Turjuma Ki Arabi mai Qul Ka Lafz Istimaal howa Jiska Matlab Hai Aye mehboob Ap Farmado
Kahin B Ye nahi Kaha k Qowloo Inama yani Aye Logun Tum Inko Bashar kaha karo
Ap ka Ap Apne Apko Sirf Bashar Kehna Ajizi hai Agar Ap Is baat ko nahi manoge Tu ye Baki Ayatain Jhuti Sabit ho jaengi

 
Baat Sirf Ahle Emaan Aur Ashiq-e-Rasool k Liye Samjhne Ki hai Baki Loog Tu kabhi Manegi hi nhi
Ap ka Apne Apko Bashar Kehna Jaisa K Ap ne farmaya "aye Mehboob farmado Mai tum jaisa Bashar hun "( Parah 24 Surah 41 ayat 6)

Is Ayat ka Ye MAtlab Hargiz nahi hai K huzoor Maaz ALLAH Hun Jaise Aam insan hai jaisa k Deobandi Samjhte hain Balke Is se Matlab ye hai k Mai Zahiri rang Roop mai tum Jaisa Maloom Hota hun Jism K Aaza Tum Jaise Maloom hote hain Lekin Hum sahib Wahi hain..
Bat Ghustakh Ko samj nahi Aegi kyun k Ye Ghustakh Quran Ki Apni pasand Ki ayatun pe Eman Le aya Jisko Istimal kar k Vo Nabi Pak Ki Shan Ghata de Kisi Tarhan
Lekin Aj B Ahle Emaan Jante hain k Agar Huzzor hamari Tarhan Aam Bashar hain tu ye Sub Kiya Hai ??


1-Mu k Lowab se Khare Pani Ko Metha KArdya.
2- Abu bakr k K paon mai Pohanch kar sanp k zehar ko khatam karde.
3-.Hazrat Jabir ki Handi Mai Shorba Aur botiyan barha Den.
4-Abdullah bin Ateeq k Tote Paon mai pohanch kar hadi Jor de.
5-Hazrat Ali Ki Dukhti Ankhun ko Theek Kare..


ye Tu Sirf us Lowab ka kamal Hai Jo mere Noor Wale Aqa Salalaho Alaihe Wasallam Ka Hai Jo aj ki Hazarun rupe Ki Dawai Kam nahi karti vo Kam Sirf Loawab se le lete hain Aur Apka Tu pora Jism ka har har Hissa Ek se Ek Shan Wala hai Jaise Hazrat Khalid Bin Waleed Ap k Baal Mubbrak ki wajah se Jung Jetay har..

Ary Deo k bandu Ghutakhun Nabi Apne Apko Sirf bashar is Liye kehte hain k agar Farishta kehte Tu Loog Unki Karamaat ko Mulki taqat Samjh Lete Lekin Apka bashar ho k karamat Dikhana MOjza Keh lata hai Zara Aye Wahabio Tum b tu bashar ho na Ya nahi ho Agar nabi ko Apne JAisa BAshar Samjhte HO Tu Sub karamaat Ko Choro Sirf Chand Ko 2 Tukre kar k Dikha Do ??
Chalo is Ko b Choro Apni Ungli k Ishare se Soraj Ko wapis Lota Do ???

Beshak Hamare Nabi Pak Salalaho Alaihe WAsallam Bashar Hain Lekin Noori Bashar Hain Aam bashar kahoge Tu Ghutakhu Mai Ajaoge
Quran Mai ALLAH Ne SaaF Farma Diya hai

"Nahi Magar Tum Jaisa Admi" ( Surah mominoon ayat 24)

ALLAh Farmata hai Quran mai

"Beshak Tumhare pas ALLAH ki taraf se 1 Noor Aya Aur Roshan Kitaab "( Surah Maida ayat15)

Is Ayat Ki tafseer k tehat Tafseer Bezawi jild 2 page 307 pe Likha hai k Noor se Muraad Nabi Pak Salalaho Alaihe Wasallam hain..

1 Aur jaga Irshaad Hai

"Aur ALLAH ki taraf is k Hukam se Bulata Aur Chamka dene Wala Aftaab " (Surah Ahzaab Ayat 46)

Is Ayat Ki Tafseer K tehat Ulama Ne Tafseer Khazain Mai Likha hai k Huzoor Ko Chamka Dene Wala Aftaab Is Liye kaha gaya k Aftaab yani Soraj Khud B Chamakta hai Aur Siatarun ko b Chamkata hai isi Tarhan Huzoor Khud b Chamak Rahe hain Aur Apne Sath sahaba ko b Chamka Rahe hain Aur Oliya ko b Chamka Rahe hain..

Ab HAdees Se Sunye

Hazrat Jabir bin Abdullah Ansari radi ALLAH Anha Ne Huzoor Salalaho Alaihe Wasallam se Pocha ALLAH ne Sub se Pehle Kis Chez ko Paida Kiya ?Ap ne Farmaya Aye JAbir ALLAH ne Sub se Pehle Tere Nabi K Noor ko Apne Noor se Paida Kiya (Alseeratul Hulaibiya Jild 1 Page 50)

Dosre Muqam Pe Irshad hai
"ALLAH ne Sub se Pehle mere Noor Ko Paida kiya "(Tafseer Rohul Biyaan Jild 2 page 23)

3sre Muqam pe Irshad hai

" Aur mere Noor se har CHez ko Paida Kiya " (Mutaa leh Al Musraat page 129)

In Ayat Aur Ahadees se Saaaf Sabit hai K Huzoor Sirf Bashar nahi Balke Noori bashar hain..

Ab B agar Koi ye Jan K Kahe k Huzzor Sirf bashar hai tu Saaf Si baat hai Bhai Jis m Dil mai Muhabbat Hai vo Nabi Ki Shan Barhane kI baat Karta hai Aur Jis k Dil mai Bughz hai Vo Shan Ghatane k Pehlu Dhundta Hai...
Quran ki Chand Ayatun pe Tu Eman Le Aye Vo Wahabi Lekin In ayatun ko Sirf Bashar Keh k Inkar Kar Diye Kaise ???


Agar ye Nabi ko Ab bhi Apne Jaisa Bashar Samajte hai to Kuch baatein wahabi/deobandi kar ke dikha den Agar wo sacche hai .
Nabi-e-Pak Ko Apni Tarah Bashar Samjh Ne Wale

Doobey Suraj Ko Lautao PHIR KEHNA - “HUM JAISE THE”

Kankar Se Kalma Padhwao PHIR KEHNA - “HUM JAISE THE”

Tum Bhi Zara Meraaj Ko Jao PHIR KEHNA - “HUM JAISE THE”

Jao Namazein Le Kar Aao PHIR KEHNA - “HUM JAISE THE”

Jaisey AAQA Aaye They, Jaise Namzaein Kam Karwayi

==============================
======

Tum Bhi Namazein Kam Karwao PHIR KEHNA - “HUM JAISE THE”

Huqm KHUDA Ka Tum Ko Bhi Aaye, Beech Mein Qibla Badla Jaaye

Yun Bhi Namaaz Ek Padh Ke Dikhao PHIR KEHNA - “HUM JAISE THE”

Jao Kahin Se Aao Apni Sawari Ko Burraak
Arsh-e-Ula Tak Ho Kar Aao PHIR KEHNA - “HUM JAISE THE”

Baamo Daro Deewar Salami Dene Lage Kuch Aisa Karo

Paid Ko Apney Pass Bulao PHIR KEHNA - “HUM JAISE THE”

Bakri Ke Bachey Ki Qurbaani Jaisey Jayaz Aap Ne Ki

Aisa Koi Huqm Sunao PHIR KEHNA - “HUM JAISE THE”

Peshani Per Daagh Banana Koi Mushkil Kaam Nhi

==============================
======

Naqsh-e-Qadam Pathar Pe Banao PHIR KEHNA - “HUM JAISE THE”

SARWAR_E_DEEN Ki Baat Badi Hain, Choro In Sab Baaton Ko

Unke Ghulamon Se Ban Jao PHIR KEHNA - “HUM JAISE THE”

Unki Ek-Ek Ungli Se Tha Jari Ek-Ek Chashma KALEEM

Paani Yun Pyason Ko Pilao PHIR KEHNA - “HUM JAISE THE”

♥ صلی اللہ علیہ وسلم ♥

List of Topics on our website Click Here.